Поранешниот чувар на мрежата на Манчестер Јунајтед, Давид Де Хеа, кој последните 12 години од кариерата ги помина на „Олд Трафорд“, се чини дека конечно најде нов клуб. Според информациите од Шпанија, во неговата татковина, тој е во напредни преговори со Бетис.
Клубот е подготвен да му понуди на Де Хеа краткорочен договор во јануари.
Во зимскиот преоден рок, Бетис, кој одличо ја започна сезоната, најверојатно ќе го продаде до неодамна првиот голман, Руи Силва. Португалецот неодамна го загуби стартното место на сметка на 40-годишниот Клаудио Браво.
Сепак, за да се случи трансферот на Де Хеа, Шпанецот сигурно ќе мора да се согласи да игра за помала плата, бидејќи Бетис моментно е над границата на буџетот за плати поставена од Ла Лига. Тоа значи дека некои плати мора да се намалат во јануари, што ќе вклучува и продажба на играчи како Руи Силва.
