Шпанскиот голман Давид де Хеа и понатаму е без клуб откако во летниот преоден рок не го продолжи договорот со Манчестер Јунајтед. Тој сѐ уште е слободен агент, а замина затоа што клубот одлучи да го доведе Андре Онана од Интер за 55 милиони евра.
Но, Онана не ја стартуваше најдобро одисејата на „Олд Трафорд“, па сега сите се прашуваат зошто Манчестер Јунајтед така лесно се откажа од Давид де Хеа.
Интересна вест доаѓа од Островот, дека Де Хеа е подготвен да се врати во Манчестер Јунајтед, но само под еден услов. Доколку од Ерик Тен Хаг добие гаранции дека ќе биде прва опција на голманската позиција, а Андре Онана да се пресели на клупата.
