Интер официјално објави дека потпиша нов договор со својот дефанзивец Матео Дармијан до летото 2025 година. Претходно беше потврден и договорот со левиот бек Федерико Димарко.
Претходниот договор на Дармијан истекуваше на крајот од сезоната.
Според извештаите во Италија, 34-годишниот играч добил зголемување на платата од 2,5 милиони евра по сезона. Ветеранот му се приклучи на Интер во есента 2020 година, прво на позајмица, а потоа на постојан трансфер од Парма од 3,3 милиони евра.
Оттогаш, италијанскиот интернационалец се наметна како важен дел од тимот на „нероаѕурите“, одиграјќи вкупно 140 натпревари со осум гола и 10 асистенции, а 23 од тие настапи се оваа сезона.
