Данската фудбалска репрезентација го заврши својот пат вополуфиналето на Европското првенство, откако синоќа доживеа елиминација од Англија. Селекцијата предводена од Каспер Хјумланд играше одличен фудбал на турнирот, но на крајот, по контроверзниот пенал за Англичаните, застана во полуфиналето.
Секако, постои големо разочарување кај репрезентацијата на Данска, а селекторот Хјулманд не може да верува дека играта не беше прекината пред да биде досуден пеналот.
„Пет секунди пред да истрча Стерлинг, му реков на четвртиот судија дека втората топка е на теренот“, рече данскиот селектор. „Тешко е да се прифати ова. Во ред е да се изгуби натпреварот, но на овој начин… Човек трча на теренот покрај друга топка, а потоа му судат пенал што не постои. Ова е горчлив начин да се испадне од турнирот. Тешко е”, вели селекторот на Данска.
Данците одиграа навистина феноменален турнир.
„Бевме една од најефикасните репрезентации. Ова е страшен тим и секако дека сме разочарани по ваков пораз. Бевме блиску до финалето и на крајот останавме без него на скандалозен начин”, дополни данскиот селектор.
Англичаните во финалето ќе играат против Италија, а натпреварот ќе се игра на „Вембли“ в недела, на 11 јули.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski