Томас Тухел го преживеа реваншот од осминафиналето на Лигата на шампионите, бидејќи Баерн Минхен го совлада Лацио на домашен терен со 3-0. Но, истото не може да се каже и за неговиот палец на десната нога.
Имено, по натпреварот, куцајќи покрај новинарите, тој откри дека „шутирал“ во соблекувалната.
„Пред натпреварот одржав мотивациски говор за тимот во соблекувалната, а за време на истиот шутнав еден стол. Страшно ме болеше и набрзо сфатив зошто. Го скршив палецот на ногата. Не можев да најдам храброст да ги соблечам патиките“, изјави Томас Тухел.
Тоа го забележаа сите што го следеа натпреварот и на стадионот и на телевизија. Тухел е познат како темпераментен тренер, кој емотивно ги доживува настаните на теренот. Затоа во текот на натпреварот постојано е на нозе. Овој пат отсуствуваше неговото вообичаено однесување за време на натпреварот и тоа беше сомнително. Со куцање и со болни гримаси, по мечот откри зошто мораше да го мине на таков начин.
Херберт Хајнер, претседателот на Надзорниот одбор на Баерн, коментираше за бизарната повреда на Тухел.
„Секогаш сум за тоа тренерот да го скрши палецот, а не некој наш играч. Тој сепак не е потребен на теренот“, изјави Хајнер.
