Нова пандемија на Covid-19 во италијанскиот фудбал и тоа таму каде што Македонија најмалку посакува, во Џенова, тимот на Горан Пандев. Дури десетмина фудбалери и четворица членови на стручниот штаб се позитивни на коронавирусот, објави калчолигашот.
Утре сите членови на клубот ќе направат и втори тестови, а дотогаш се во строг карантин. Дополнително ќе биде познато каква ќе биде одлуката за изолација на сите членови на Џенова. Неофицијално, Горан Пандев сепак не е меѓу „позитивните“…
Оваа вест е лоша и за Наполи, чиј член е Елиф Елмас. „Наполитанците“ играа против Џенова изминатиот викенд. Пандев и Елмас секако се важни алки во националниот тим на Македонија во пресрет на плејоф мечот против Косово на 8 октомври на арената „Тодор Проески“.
