Напаѓачот Ерик-Максим Чупо-Мотинг ќе го напушти Баерн Минхен на крајот на сезоната. На 34-годишниот Камерунец му истекува договорот и нема изгледи тој да биде обновен, тврдат германските медиуми.
Конечната одлука сѐ уште не е донесена и соопштена на играчот, но планот е да не му се нуди нов договор.
За напаѓачот се заинтересирани клубови од Саудиска Арабија и Катар.
Чупо-Мотинг му се приклучи на Баерн од ПСЖ во летото 2020 година. Досега за Баварците одигра 116 натпревари, постигна 38 голови и забележа 11 асистенции.
