Германскиот првак Баерн Минхен се соочува со проблеми со коронавирусот. Тимот се комплетираше по божиќните и новогодишните празници, но на денешното тестирање се појавија четири позитивни случаи на Ковид-19. Капитенот Мануел Нојер, Кингсли Коман, Корентин Толисо и Омар Ричардс се фудбалерите кои манифестирале симптоми на коронавирусот.
Поради новонастанатата ситуација, Баерн Минхен го одложи стартот на тренинзите за два дена.
Баерн Минхен на 7 јануари треба да го игра натпреварот против Борусија Менхенгладбах од 18.коло во Бундес-лигата.
