Европскиот првак Челси сака да го врати Саул Нигез во Атлетико Мадрид, но, сепак, шпанскиот клуб не сака да слушне за таков потег. Тие сакаат да остане до крајот на сезоната додека и трае договорот за позајмица.
Беше големо изненадување кога Атлетико во летниот преоден рок ја испрати легендата на клубот, Саул Нигез на позајмица во Челзи. Шпанскиот првак тоа го направи за да го врати Антоан Гризман штедејќи на платата на Саул.
Играчот од средниот ред, кој одигра 340 натпревари за Атлетико Мадрид, е еден од симболите на клубот во изминатите десет години, за кои освои една шпанска титула, два купа, две Лиги на Европа и двапати играше во финалето на Лигата на шампионите.
Челси му плати на неговиот клуб 5 милиони евра за позајмица на Саул за една сезона, но тој оттогаш одигра само 238 минути на 14 натпревари. Од нив 166 во Лига купот на Англија. Помалку од него, за актуелниот европски првак оваа сезона настапи само третиот голман Маркус Бетинели.
Очигледно е дека Томас Тухел не смета на Саул, кој не успеа да се снајде во Челси, но исто така не успеа и да се аклиматизира на животот во Лондон. Сепак, „Марка“ открива дека неговиот клуб не го сака назад бидејќи тоа ја руши споменатата финансиска структура за Гризман.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski