Лестер стигна до 12. победа во Премиер – лигата оваа сезона совладувајќи го Челси на „Кинг Пауер“ со 2-0. „Лисиците“ со овој триумф се искачија на врвот на табелата со 38 бода, еден повеќе од Манчестер Јунајтед кој има и меч помалку.
Тимот на Франк Лампард тоне се подлабоко, па позицијата на менаџерот е сериозно разнишана. Можеби ова беше и негов последен натпревар на кормилото на „сините“.
Вилфред Ндиди уште во шестата минута го совлада Менди и донесе водство за Лестер. Прeд крајот на првиот дел Џејмс Медисон зголеми на 2-0, а Челси немаше сили да се врати.
