Челси е подготвен да го продаде Ромелу Лукаку. Клубот од „Стемфорд Бриџ“ би се откажат комплетно од услугите на белгискиот напаѓач за 45 милиони евра.
Лукаку ја помина сезоната на позајмица во Рома, негова втора позајмица откако се врати во Челси во 2021 година. Сепак, Белгиецот во Челси никогаш не играл толку добро како во италијанските клубови. Во Интер беше најдобар стрелец во италијанското првенство, а во Рома незаменлив првотимец.
Кога настапуваше за Челси беше жестоко критикуван од новинарите и навивачите, па отворено кажа дека е подобро да игра во Италија, да не навлече уште поголем гнев кај навивачите.
Се споменува дека Лукаку би можел да остане во Италија, поточно да се пресели во Наполи. Тоа би се случило во зделка во која Виктор Осимен би заминал во Челси. „Наполитанците“ за него бараат најмалку 120 милиони евра, а со Лукаку би се намалила оваа сума.
Лукаку постигна 21 гол и асистираше четирипати во 47 натпревари за Рома оваа сезона. Тој е под договор со Челси до летото 2026 година.
