Ромелу Лукаку е нов фудбалер на Челси, објави актуелниот европски првак. Тој се враќа на „Стемфорд бриџ“, сега како докажан напаѓач.
„Среќен сум и благословен што се вратив во овој голем клуб“, изјави тој на промоцијата. „Односот што го имам со клубот ми значи многу, јас го поддржував клубот како дете“, истакна Лукаку, кој потпиша петгодишен договор со клубот.
Вредноста на трансферот е околу 115 милиони евра.
„Откако го напуштив Челси, беше долго патување со многу подеми и падови, но сите тие искуства ме направија посилен, а предизвикот е да му помогнам на тимот да освои повеќе трофеи“, рече Лукаку.
