Челси на крајот од сезоната би можела да остане без Антонио Рудигер,па „сините“ веќе бараат негова замена што треба да пристигне во Лондон. Според француските медиуми, потенцијално засилување за лондонскиот тим би можел да биде Преснел Кимпембе.
Дефанзивецот на Пари Сен Жермен се наметна како еден од најдобрите стопери на новата генерација, тој е стандарден француски репрезентативец, а играше и во ерата на Томас Тухел на „Паркот на принцовите“, кој сака да работи повторно со него.
Кимпембе е проценет на 40 милиони евра, што е сосема прифатлива цена за Челси.
