Челси ќе го направи првиот трансфер во новата година, пренесуваат медиумите на Островот. Станува збор за централниот дефанзивец на Монако, Беноа Бадијашил. Зделката е завршена, а сумата ќе биде 38 милиони евра, вклучувајќи ги и различните бонуси.
Францускиот дефанзивец ќе ги помине медицинските прегледи утре, а потоа ќе потпише договор до јуни 2029 година. Трансферот се смета за 100% сигурен.
Бадијашил не е ниту на клупата на Монако на денешниот натпревар во Лига 1, што е уште еден знак дека тој ќе се пресели во лондонскиот тим.
Челси оваа сезона имаше сериозни дефанзивни проблеми, а исто така им недостасуваат играчи во тој дел од теренот поради повреди.
