Челси е заинтересиран за крилниот напаѓач на Вилјареал, Арно Данџума. Лондончани сакаат да го засилат нападот оваа зима и се насочија кон 25-годишниот Холанѓанец.
Данџума ги импресионираше сите со своите настапи минатата сезона кога имаше 16 гола и четири асистенции на 34 настапи во сите натпреварувања.
Во летниот преоден рок, Данџума беше поврзуван со интерес од Арсенал и Вест Хем.
Вилјареал за него одреди цена од 35 милиони евра, што двата лондонски клуба ја одбија.
Челси сега е подготвен да достави понуда за него, но „сините“ би можеле да се соочат со конкуренција од Њукасл и Милан.
