Чеде Јаневски ќе биде нов тренер на АЕЛ Лимасол?

Поранешниот македонски селектор Чедомир Јаневски е на чекор до враќање на Кипар. Тој е во најтесниот избор за нов тренер на АЕЛ Лимасол, откриваат тамошните медиуми.

АЕЛ Лимасол се раздели со досегашниот стратег Пантелидис, а во опција за нов шеф на стручниот штаб се Македонецот Јаневски и Португалецот Силас, кој е поранешен тренер на Спортинг Лисабон.

Чедомир Јаневски се уште е асистент во стручниот штаб на фудбалската репрезентација на Јужна Африка.