Ламин Јамал (15) стана најмладиот играч во историјата кој играл за Барселона. Тој дебитираше синбоќа откако влезе во игра во 83. минута на натпреварот против Бетис (4-0), на 15 години, девет месеци и 16 дена. Така, тој го собори рекордот кој 101 година го држеше Арманд Мартинез Саги, кој дебитирал за Барселона во 1922 година кога беше два месеци повозрасен од денешниот Јамал.
Јамал стана и петтиот најмлад играч во историјата на шпанското првенство.
Играта на Јамал ја пофали и Чави на прес-конференцијата по натпреварот.
„Ламин беше многу добар. Му реков да се обиде да биде опасен и тој го направи тоа. Замислете, тој има само 15 години! За малку ќе постигнеше гол. Тој е посебен, полн е со самодоверба и може да стане важен играч за нас. Доволно е да го гледате на тренинг за да го разберете тоа“, изјави Чави.
Веднаш доаѓаат и споредбите со Лионел Меси и со Ансу Фати, кои исто така дебитираа за Барселона на многу млада возраст.
„Да, тој е сличен на нив. Тој е многу талентиран. Тој е играч кој може да одбележи цела ера на Барселона”, одговори Чави.
Јамал моментно е еден од најголемите таленти во школата „Ла Масија“ во Барселона, а Чави го повика да тренира со сениорскиот тим за првпат во септември. Инаку, тој настапува за У-19 тимот на Барса, за кој оваа сезона на 28 натпревари постигна осум гола и исто толку асистираше. Тој е и актуелен У-19 репрезентативец на Шпанија.
