Фудбалерите од средниот ред на Барселона, Педри и Френки де Јонг, сѐ уште не тренираат со остатокот од тимот.
Каталонците се насочија кон подготовка за дуелот со ПСЖ во ЛШ, а Шпанецот и Холанѓанецот сѐ уште се во фаза на опоравување од повредите.
Шпанските медиуми со денови најавуваат дека Де Јонг треба да биде подготвен да го започне натпреварот, а Педри ќе биде на клупата, но тие и понатаму не тренираат со останатите соиграчи.
Како што стојат работите во моментов, местото во средниот ред треба да го заземе капитенот Серхи Роберто, покрај Андреас Кристенсен и Илкај Гундоган.
Натпреварот ПСЖ – Барселона е закажан за в среда од 21 часот.
