Тренерот на Барселона, Чави Хернандез, повторно го коментираше актуелниот случај „Негреира“. Како што е познато, Каталонците се обвинети за поткуп на поранешниот потпретседател на техничкиот комитет на судии.
„Следната недела ќе има уште една вест за Негреира, за петнаесет дена ќе има уште една, а за месец и половина ќе има уште една. Веќе го знаете моето мислење за ова прашање. Погледнете ја архивата на кој било весник и ќе видите. Никогаш не добив чувство дека судиите и помагаат на Барса. Никогаш“, изјави Чави за „Мундо Депортиво“.
