Барселона загуби од Кадиз (0-1) во последното коло во шпанското првенство. Тоа беше втор пораз во низа за каталонскиот тим со оглед дека минатата недела загуби од Ајнтрахт Франкфурт и испадна од Лигата на Европа.
Поразот од Кадиз беше 30. натпревар за Чави Хернандез на клупата на Барселона. Со овие два последни натпревари, Чави стана најнеуспешниот тренер на Барселона во последните 20 години.
Имено, процентот на победи во неговите 30 натпревари е 53,33, што значи дека Барселона победила на 16. Роналд Куман, кој доби отказ од Барселона на почетокот на сезоната, имаше процент на победи од 58,21.
Последен тренер со полоши резултати од Чави е Карлес Рексач кој имаше 50 проценти победи на „Камп Ноу“.
