Тројца играчи на Баер Леверкузен се цел на интерес на Реал Мадрид, објавија шпанските медиуми.
Мадридскиот гигант ги следи настапите на дефанзивецот Џереми Фримпонг, играчот од средниот ред Флоријан Вирц и напаѓачот Виктор Бонифејс.
Холанѓанецот Фримпонг во тековната сезона одигра 16 натпревари на кои постигна пет голови и забележа седум асистенции. Германскиот репрезентативец Вирц има шест гола и 10 асистенции на 17 натпревари.
Нигериецот Бонифејс, кого го следат и други врвни клубови во Европа, оваа сезона има 11 гола и шест асистенции на вкупно 16 натпревари во сите натпреварувања.
Баер Леверкузен во моментот е лидер во германското првенство со 31 бод од 11 кола.
Триото треба да пристигне во Реал Мадрид на почетокот на следната сезона, заедно со тренерот Чаби Алонсо.
