Лидерот на табелата во Втората лига, тимот на Гостивар, ужива во зимската пауза со оглед дека ја освои есенската титула, но истовремено и се подготвува за жестоката пролет, кога ќе се решаваат патниците за влез во елитата.
Засега нема информации за нови засилувања, иако јасно е дека раководството работи на ангажман на неколку фудбалери со прволигашко педигре.
Првото заминување од Гостивар би можел да биде голманот Бурхан Мустафа. Тој во завршницата од есенскиот дел го загуби местото на голот и беше на клупата за резерви, па најверојатно ќе побара нова средина.
