Дрис Мертенс, довчерашниот фудбалер на Наполи е во преговори со Јувентус. Ова е доволно за нова бура на Апенините, посебно во Неапол каде многу лично се сфаќаат „предавствата“ на фудбалерите.
На Белгиецот му истече договорот со клубот од југот на Италија, па челниците на „старата дама“ решија да му понудат договор вреден 5 милиони евра по сезона. Ова не им се допаѓа на навивачите на Наполи, кои сигурно ќе го сметаат за предавник.
Мертенс нема ништо против да го облече дресот на Јувентус.
Се уште се свежи сеќавањата кога Гонзало Игуаин се пресели од Наполи во Јувентус, а неговите фотографии и дресови беа јавно палени во Неапол.
