Манчестер Јунајтед врза две победи во низа во Премиер – лигата откако го совлада Саутемптон на гости со 0-1. Стрелец на победничкиот гол за „црвените ѓаволи“ беше Бруно Фернандеш во 55.минута од дуелот.
Во тимот на Манчестер Јунајтед на овој меч дебитираше и новото засилување, Бразилецот Кашемиро. Тој доби шанса да влезе во игра во 80.минута на местото на Ентони Еланга.
Кристијано Роналдо повторно беше резерва и влезе во игра во 68.минута на местото на Џејдон Санчо.
