Тони Атанасов и Панче Стојанов ќе го предводат првиот тим на Брера Струмица за пролетниот дел од првенството. Атанасов ќе биде прв тренер додека Стојанов негов прв помошник. Ова е одлуката на раководството на клубот по заминувањето на Горазд Михајлов.
На Атанасов и на Стојанов во стручниот штаб ќе ги имаат и Дарко Коцев како кондициски тренер и Ѓорги Шопов како тренер на голманите.
Брера подготвките ги започнува утре и до стартот на вториот дел од првенството ќе работи на подигнување на физичките способности и на техничко тактички план.
Паралелно, клубот работи и на ангажман на нови фудбалери, со оглед дека голем дел од фудбалерите заминаа од струмичкиот клуб оваа зима.
