Брентфорд имаше фантастичен старт на новата сезона во Премиер – лигата откако на домашен терен го совлада Арсенал со 2-0. Новајлијата покажа дека може да се носи со конкуренцијата и забележа историски триумф во Премиер – лигата, а тимот на Микел Артета уште на почетокот доживеа пораз кој не најавува позитивни мигови за „топчиите“.
Серхи Канос во 22.минута го отвори резултатот во корист на домаќинот, а вториот гол беше дело на Кристијан Норгард во 73.минута.
Арсенал на овој меч беше без напаѓачкиот тандем Обамејанг – Лаказет и тоа очигледно беше премногу за да се надомести.
