Хрватскиот клуб Хајдук Сплит доведе уште едно големо засилување во овој зимски преоден рок. После Иван Перишиќ, кој се уште се опоравува од повредата, потпиша и Јосип Брекало, досегашниот фудбалер на Фиорентина.
Тој доаѓа на шестмесечна позајмица, а интересна е дека претходно беше многу блиску до потпис со големиот ривал Динамо Загреб. Сепак, на крајот дојде на „Пољуд“.
Овие трансфери на Хајдук секако ја зголемуваат конкуренцијата за македонскиот репрезентативец Александар Трајковски. Се работи за фудбалери од офанзивната линија каде конкурира и Трајковски.
