Македонскиот второлигаш Брегалница доживеа пораз од 0-1 од српскиот прволигаш Раднички од Сремска Митровица на првиот пријателски натпревар на подготовките во Дојран. Поразот на штипскиот тим на тестот во Дојран дојде по грешка на одбраната уште во втората минута од средбата која гостите ја искористија за ран погодок.
Од првата минута на натпреварот настапи и засилувањето за продолжението од сезоната, Муарем Муарем.
Во продолжението Брегалница ја контролираше играта преку активно темпо создавајќи можности за погодок, но мрежата на српскиот тим остана нечепната. Во второто полувреме, избраниците на Марјан Секуловски имаа дополнителни можности за гол, наспроти дефанзивно ориентираните противници, но изостана реализацијата.
