Англискиот премиерлигаш Брајтон сериозно ја разгледува можноста да го привлече искусниот централен дефанзивец Матс Хумелс. 35-годишниот Германец е слободен агент откако се раздели со Борусија Дортмунд по крајот на минатата сезона.
Според „Скај Спортс Германија“, новиот менаџер Фабијан Хурцелер остварил телефонски разговор со Хумелс.
Вест Хем исто така е заинтересиран за Германецот, кој ова лето веќе одби понуди од Болоња, Ајакс, Бенфика, Монако, Баер Леверкузен и два клуба од Саудиска Арабија.
Според информациите, Хумелс сè уште нема донесено конечна одлука дали да продолжи во друг клуб или да ја заврши својата кариера.
