Брајтон од пенал му ја зеде победата на Ливерпул (ВИДЕО)

Ливерпул беше пред победа на гости против Брајтон, но домашниот тим доби пенал во судиското продолжение и успеа да спаси бод играјќи 1-1. 

Диого Жота во 60.минута донесе предност за Ливерпул откако во првиот дел Нил Мопеј не реализира пенал за Брајтон. Но, во судиското продолжение беше досуден уште еден пенал за домаќините, а овојпат успеа да погоди Паскал Грос во 92.минута. 

За Ливерпул ова е трето реми во новата сезона од Премиер – лигата и се наоѓа на врвот со 21 бод.