Германскиот бундеслигаш Борусија Дортмунд кој се смета за клуб кој се труди да ги собере најголемите таленти во светот, сакал да го купи Елиф Елмас за 25 милиони евра, но Наполи ја одбил понудата. Исто така понуди имало и од Борусија Менхенгладбах и од Лајпциг од Бундес-лигата, како и од англискиот премиерлигаш Лидс Јунајтед чиј член е Езгјан Алиоски. Ова го откри италијанскиот новинар Чиро Венерато.
„На Елмас му е добро во Наполи. Ми рекоа дека Бенфика, Лидс, двете Борусии и Лајпциг, нуделе и 25 милиони за Елмас, но спортскиот директор ги одбиваше, не сака да преговара, смета дека Елмас е иднината на клубот. Во Наполи веруваат во него, клубот нема никаква намера да го продаде“, изјави Венерато.
Бенфика го бара Елиф Елмас на позајмица во јануари, со опција за комплетно откупување на договорот.
