Напаѓачот на Борусија Дортмунд, Дониел Мален, ќе го пропушти првиот натпревар од четвртфиналето на Лигата на шампионите против Атлетико Мадрид во Шпанија во среда.
Холанѓанецот не е во составот кој утринава отпатува за Мадрид.
„За жал, тој не можеше да се опорави на време“, откри спортскиот директор Себастијан Кел.
Мален ги пропушти последните два натпревари на Борусија Дортмунд против Баерн Минхен и против Штутгарт поради повреда на мускулот. Тој и Никлас Фулкруг се најдобри стрелци на тимот со по 13 гола од почетокот на сезоната.
Борусија Дортмунд посакува да се квалификува во полуфиналето на Лигата на шампионите за првпат од сезоната 2012/13, кога стигна до финалето каде што беше поразен од Баерн Минхен.
„Со нетрпение го очекуваме дуелот со Атлетико Мадрид“, додаде Кел.
