Германскиот бундеслигаш Борусија Дортмунд на лето најверојатно ќе го продаде Ерлинг Халанд за да ги санира финансиските проблеми предизвикани од коронавирусот, а веќе ја пронајде неговата замена. „Милионерите“ сакаат да го вратат назад напаѓачот на Реал Сосиедад, Александер Исак, пренесува „Скај Германија“.
За Халанд се интересираат најголемите европски клубови и се очекува тој во летниот преоден рок да ја напушти Борисија Дортмунд, па раководството уште отсега го бара наследникот на норвешкото голгетерско чудо.
21-годишниот напаѓач Александер Исак, кој во минатото беше на „Сигнал Идуна Парк“, е одбраното решение за наследник на ѕвездата Ерлинг Халанд.
Исак оваа сезона има одиграно 29 меча во сите натпреварувања, на кои постигна 12 гола и две асистенции.
