Борец доведе засилување од Србија

Македонскиот прволигаш Борец ангажираше засилување од соседна Србија на левата бековска позиција. Во пролетниот дел од шампионатот боите на велешкиот клуб ќе ги брани Аднан Исламовиќ.

Тој доаѓа од редовите на српскиот клуб Нови Пазар. Во кариерата има настапувано и за Партизан.

Борец ќе има тешка мисија да обезбеди опстанок во елитата, со оглед дека по првиот дел од првенството успеа да обезбеди само 12 бода. Во првото пролетно коло ќе му гостува на Скопје на „Автокоманда“.