Дефанзивецот Леонардо Бонучи се надева дека „лудата идеја“ да се приклучи на германскиот Унион Берлин ќе му помогне да биде во составот на Италија за Европското првенство следната година.
Бонучи првично сакаше да ја одработи последната година од договорот со Јуве, но се покажа како непотребен за тренерот Масимилијано Алегри. Тој дури поднесе тужба против клубот откако беше исфрлен од тренинзите на тимот.
Унион Берлин и Лацио му понудија на Бонучи излез од деликатната ситуација и дефанзивецот ја избра земјата домаќин на Европското првенство следната година.
„Знам дека изгледа како луда идеја. Но, ми беше потребно да излезам од мојата комфорна зона. Играв 20 години во Италија”, изјави Бонучи.
