Раководството на Кораб се одлучи да го ангажира 54-годишниот Стојкоски во желбата за далеку подобри резултати на тимот низ пролетниот дел од шампионатот во Втората лига – Запад.
Стојкоски претходно во кариерата беше асистент на Славче Војнески во словачки Серед, како и на Александар Таневски во Македонија ЃП, а бил тренер и на младинските категории на германскиот Бовингхаузен.
Кораб претходно донесе и четири нови засилувања за тимот, Илбер Беќири од Ренова, Исмаил Абдулаху, Ерсин Фетаху и Емир Алиу.
