Македонскиот второлигаш Пелистер спогодбено го раскина договорот со шефот на стручниот штаб Марјан Секуловски. Шест месеци пред истекот на договорот двете страни спогодбено се разделуваат, а за нов тренер е назначен Бобан Бабунски. Тој се обврза на договор до јуни 2023 година со опција за продолжување на соработката за уште една сезона ако клубот избори промоција во Првата фудбалска лига.
Неговото претставување и почеток на подготовките на Пелистер е закажано за понеделник, 9. јануари.
Бабунски во првиот дел од сезоната го предводеше прволигашот Победа.
