Марсело Биелса и во новата сезона во Премиер – лигата ќе го предводи Лидс Јунајтед. Аргентинскиот стратег потпиша нов договор и ќе остане на „Иланд Роуд“, но вели дека е тажен затоа што во составот веќе не е Езгјан Алиоски. Македонскиот репрезентативец водеше преговори со Лидс, но на крајот потпиша за Ал Ахли од Саудиска Арабија.
„Тажен сум поради заминувањето на Алиоски. Секако поради фудбалскиот фактор, но посебно поради „човечкиот“. Кон него имам голема почит и знам дека сакаше да продолжи со нас и клубот сакаше да го задржи. Се водеа преговори, на крајот пресудни беа финансиите. За жал не се изнајде договор“, изјави Биелса.
