Францускиот напаѓач Карим Бензема би можел да го пропушти првиот натпревар на Светското првенство, објавија медиумите во земјата на актуелниот светски првак. Фудбалерот на Реал Мадрид ги пропушти и последните натпревари на клубот, а се уште работи под посебна програма.
Во првото коло Французите во вторник ќе играат против селекцијата на Австралија.
Светското првенство во 2022 година во Катар ќе започне на 20 ноември и ќе трае до 18 декември.
Франција се наоѓа во групата Д, заедно со Австралија, Данска и со Тунис.
