Италијанскиот репрезентативец Андреа Белоти ќе ги помине медицинските прегледи во Рома и ќе потпише со клубот како слободен играч до крајот на неделата, пишува „Кориере дело спорт“. Договорот на 28-годишниот Белоти со Торино истече на крајот на јуни. Новиот договор на Италијанецот се очекува да биде на три години.
Рома постигна договор за продажба на Феликс Афена-Џан на Кремонезе, па напорите ги насочува кон финализирање на трансферот на Белоти. Тренерот на Рома, Жозе Мурињо, сакаше да го доведе во својот тим уште додека беше на чело на англискиот Тотенхем.
