Шкендија ја загуби титулата оваа сезона од Шкупи, но се бори за излез на европската сцена. Денеска (17 часот) во Тетово ќе го пречека Работнички во дуел од 30. коло во Првата фудбалска лига.
Капитенот Егзон Бејтулаи вели дека бодовите му се потребни на тимот и ќе стори се да ги освои.
„Сега, на крајот од шампионатот секој натпревар е важен. На последниот дуел доминиравме и до крај бевме сконцентрирани, па дадовме три гола. Првенството е тешко, имаме вонредно коло во текот на следната седмица.
Нашиот тим е добро подготвен, очекувам во последните натпревари да влеземе силно мотивирани. Ги очекуваме трите бода против Работнички, а потоа да продолжиме со победите до крај“, изјави Бејтулаи.
Брегалница во Штип денеска го пречекува новиот шампион Шкупи, а останатите натпревари од 30.коло се играат утре.
ДВОЈКИ ПРВА ЛИГА, 30.КОЛО
ШКЕНДИЈА – РАБОТНИЧКИ (денеска, 17 часот)
БРЕГАЛНИЦА – ШКУПИ
МАКЕДОНИЈА ЃП – АКАДЕМИЈА ПАНДЕВ (утре, 17 часот)
РЕНОВА – СТРУГА ТРИМ ЛУМ
ПЕЛИСТЕР – ТИКВЕШ
БОРЕЦ – СКОПЈЕ
