Репрезентацијата на Велс денеска (18 часот) се среќава со Данска на отворањето на осминафиналето на Европското првенство. Герет Бејл се уште не знае ни дали ќе ја продолжи кариерата, но за националниот тим секогаш е подготвен да го „остави и животот“.
Тој и соиграчите се надеваат дека ќе успеат да го повторат успехот од пред пет години. И не му е проблем што ги гледаат како аутсајдери.
„Немаме проблем што не гледаат како аутсајдери. Знаеме што се случи на почетокот на првенството со нивната репрезентација и испраќаме најдобри желби за Ериксен. Сепак, се надевам на терен ќе докажеме дека сме подобар тим и ќе се пласираме во следната рунда“, изјави Бејл.
