Барселона продолжува да работи на новите договори за Усман Дембеле и Серхи Роберто. Во минатото, немаше проблеми кога станува збор за продолжување на договорите на играчите од првиот тим. Сега, со оглед на тоа што каталонскиот гигант сака да го зачува секој можен денар, работите не се толку лесни.
Спортскиот директор на клубот, Матеу Алемани на прес-конференција за објавување на новиот договор на Педри, потврди дека се работи на двата фронта, но призна дека преговорите се тешки поради финансиските проблеми на клубот.
“Фудбалерите ја знааат волјата на клубот и ситуацијата. Со некои разговаравме долго време. Ситуацијата не е лесна. Многу е комплицирано, ситуациите што во други времиња би се решавале лесно не се така и играчите треба да го разберат тоа.
Алемани додаде дека верува дека и двајцата играчи навистина сакаат да останат на “Камп Ноу” и да ја продолжат кариерата во клубот, но навести дека преговорите сè уште далеку од завршната фаза: “Имаме чувство дека сите тие сакаат да останат во Барса, но сега треба да ги прилагодиме платите поради состојбата на клубот. Мора да се разбере дека процесот е малку подолг и потежок од порано”.
