Без многу труд, Барсeлона стигна до првите три бода сезонава во групата Е од Лигата на шампионите, благодарение на минималната победа од 1-0 над Динамо Киев. Натпреварот го реши Жерар Пике во 36. минута од првото полувреме.
При изведување на удар од аголот, топката дојде до Жорди Алба, кој испрати прецизен центаршут кон Пике во шеснаесетникот. Се што му остана во тој момент на шпанскиот дефанзивец, кој беше оставен потполно сам од страна на Миколенко и Сирота во средината на пеналтикот, е да ја испрати топката во мрежата на Украинецот Бушчан.
Со ова, Жерар Пике на возраст од 34 години и 260 дена, стана најстариот стрелец на каталонците во Лигата на шампионите, надминувајќи го Силвињо, кој со своите тогашни 34 години и 241 ден, беше стрелец против Шахтјор Доњецк во декември 2008 година.
Во преостанатиот дуел, Салцбург славеше убедлива победа од 3-1 над германски Волсфбург на “Ред Бул Арена” во Австрија. Стрелци на головите за домашниот состав беа Адејеми, Окафор, кој успеа да постигне два погодоци, додека пак единствениот гол за составот кој го предводи ван Бомел, го постигна Нмеча.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski