Каталонскиот гигант Барселона синоќа се раздели со Роналд Куман. Холандскиот стратег доби отказ откако загуби на гостувањето кај Рајо Валјекано. За овој пораз на Барселона многу придонесе и македонскиот репрезентативен голман Столе Димитриевски кој му одбрани пенал на Мемфис Депај.
Барселона тргнува во акција по наследникот на Куман, а прв пик е добро познат лик од „Камп Ноу“, Чави Хернандез. Тој со успех во предводи Ал Сад во Катар и во едно интервју најави дека секогаш е подготвен да се врати во својот омилен клуб. Сепак, прашање е дали би се согласил да го преземе тимот во една ваква ситуација, кога Барселона по заминувањето на Лионел Меси делува обезглавено.
