Каталонскиот гигант Барселона се наоѓа во незавидна финансиска ситуација поради пандемијата на коронавирусот. Раководството се обиде да направи ребаланс на клупскиот буџет со намалување на платите на фудбалерите и техничкиот персонал, па иако скрати 172 милиони евра, сепак тоа не е доволно.
Следниот чекор е продажба на фудбалери, а прва опција за тоа е Фелипе Кутињо, најскапото засилување во историјата на Барселона.
Бразилецот добро ја почна сезоната, но потоа се повреди и не успеа да се врати во потребниот ритам. Барселона за него бара 60 милиони евра.
