Каталонскиот гигант Барселона одлучи да се раздели со Роналд Куман по синоќешниот пораз од Рајо Валјекано (1-0), а веќе денеска е именуван неговиот наследник. Се работи за привремено решение. Нов тренер на тимот ќе биде Серхи Бархуан, кој досега беше задолжен за Б-тимот на Барселона.
Негов прв предизвик ќе биде Алавес, со кого Барселона ќе се соочи овој викенд.
Прва желба на претседателот Хоан Лапорта е Чави Хернандез, легендата на клубот кој работи како тренер во Ал Сад.
