Барселона е обвинета и напаѓана од сите страни поради сомнителни уплати на сметката на поранешниот потпретседател на Судискиот комитет, но Каталонците денеска комплетираа интересен трансфер.
Ињиго Мартинез ги договори сите услови со Барселона, платата и должината на договорот и по истекот на сезоната од Атлетик Билбао како слободен играч ќе се пресели на „Камп Ноу“.
Мартинез беше желба на Чави бидејќи нема стопер левучар, поради што Маркос Алонсо често играше на таа позиција.
Мартинез ќе ја зголеми конкуренцијата за Кристенсен, Араухо и Кунде, а останува да се види како неговото доаѓање ќе влијае на Ерик Гарсија кој има сѐ помала минутажа.
Ињиго Мартинез има 31 година и ова му беше последна шанса да се пресели во голем клуб во кој може да се бори за сите трофеи.
Она што е интересно е што Мартинез во два наврати беше блиску до Барселона, во 2016 година кога на клупата беше Луис Енрике, а потоа и две години подоцна кога тренер беше Ернесто Валверде.
Се чини дека ќе има трета – среќа и Мартинез конечно ќе потпише за Барса.
