Каталонскиот гигант Барселона е во сериозни финансиски проблеми и мора да распродава дел од играчкиот кадар. Еден од поголемите проблеми на клубот е и Фелипе Кутињо, кој беше платен 120 милиони евра од Ливерпул, а не врати ниту дел од инвестицијата на теренот. Беше на позајмица во Баерн Минхен, но се врати на „Камп Ноу“ и се повреди.
Сега Барселона размислува само како да се ослободи од него. Милан е заинтересиран за негов ангажман, а каталонскиот клуб заговара размена според која Алесио Ромањоли би се преселил на „Камп Ноу“. Дополнително, Милан би платил и 20 милиони евра за трансферот на Кутињо.
