Ливерпул по 68 натпревари на „Енфилд Роуд“ доживеа шокантен пораз од Барнли. Гостите славеа со 0-1, со голот од пенал на Ешли Барнс во 83.минута од натпреварот. Ливерпул сега е без победа пет кола и веќе заостанува шест бода зад Манчестер Јунајтед.
Тимот на Јирген Клоп е во неверојатна голгетерска криза, не успеа да постигне погодок ниту на овој натпревар. Имаа многу шанси фудбалерите на Ливерпул, пред крајот на првиот дел Дивок Ориги излезе сам пред протовничкиот голман Поуп, но ја погоди само гредата.
Во второто полувреме шанси имаа и Шаќири, Салах, Фирмино, но Поуп беше фантастичен, а напаѓачите на Ливерпул неснаодливи или недоволно прецизни. На крајот стигна и казната преку Ешли Барнс.
